Sir faroshi ki tumunna ab humaray dil mein hay

sir faroshi ki tumunna ab humaray dil mein hay
dekhna hay zor kitna bazo-e-qatil mein hay,,,,

ae shuheed-e-mulk-o-millut mein taray ooper nisar
ab teree himut ka churcha ghair ki mehfil mein hay

weqt anay pay buta dain gay tujhe ae asman
hum abhee se kia butaein kia humaray dil mein hay

kheech ker laey hay sub ko qatl honay ki naveed
ashiqon ka aaj jumghuth koocha-e-qatil mien hay

hay liey huthyar dushmun tak mein betha udher
aur hum tyar hein seena liey apna idher
khon se khailain gay holee ger wutun mushkil mien hay
sir faroshi ki tumunna ab humray dil mien hay
dekhna hay zor kitna bazo-e-qatil mein hay

hath jin mein ho junnon kut;tay naheen tulwar se
sir jo uth jatay hain wo jhuktay naheen lulkar se
aur bhurkay ka wo shola jo humaray dil mein hay
sir faroshi ki tumunna ab humray dil mien hay
dekhna hay zor kitna bazo-e-qatil mein hay

*****************************************************************************